ესთეტიკა და რესტავრაცია
ვინირები
გადაწყვეტილებას იღებთ მაშინ, როცა შედეგს უკვე ხედავთ. ვინირების საცდელ მოდელს მოირგებთ, დააკვირდებით და მეორე დღეს დაბრუნდებით.

ვინირები კბილის წინა ზედაპირზე დასამაგრებელი თხელი კერამიკული ფირფიტებია, რომლებიც ეხმარება კბილის ფორმის, ფერისა და მცირე ვიზუალური ნაკლოვანებების შეცვლას. Likedent-ში მკურნალობა იწყება ციფრული დაგეგმვით, რათა საბოლოო გადაწყვეტილებამდე წინასწარ ნახოთ მომავალი ღიმილის მოდელი.
ვისთვის არის
- თუ კბილების ფერი არ მოგწონთ და გათეთრება სასურველ შედეგს ვერ მოგცემთ.
- თუ კბილების ფორმის ან ზომის შეცვლა გსურთ.
- თუ წინა კბილებზე მცირე ბზარები, ჩამოტეხილი კიდეები ან ცვეთა გაქვთ.
- თუ კბილებს შორის მცირე დაშორებების დაფარვა გსურთ.
როგორ მიმდინარეობს
პირველადი კონსულტაცია
ექიმი აფასებს კბილებისა და ღრძილების მდგომარეობას, გისმენთ და გიხსნით, შეესაბამება თუ არა ვინირები თქვენს საჭიროებებს. პირველი კონსულტაცია Likedent-ში უფასოა.
ციფრული სკანირება
Medit i900 სკანერით ვიღებთ კბილების ციფრულ ანაბეჭდს. კბილების სამგანზომილებიანი გამოსახულება ეკრანზე ჩანს და ტრადიციული ანაბეჭდის მასის გამოყენება საჭირო არ არის.
ფორმის დაგეგმვა
ციფრულ მოდელზე ვგეგმავთ ვინირების ფორმასა და ზომას. შემდეგ ვამზადებთ Mock-up-ს (მომავალი ვინირების დროებით მაკეტს), რომელიც საშუალებას გაძლევთ, წინასწარ შეაფასოთ დაგეგმილი ცვლილება.
მაკეტის შეფასება
შეგიძლიათ დროებითი მაკეტით სახლში წახვიდეთ და მომდევნო დღეს მიიღოთ გადაწყვეტილება. ეს ეტაპი გეხმარებათ, საბოლოო შედეგზე საკუთარი შთაბეჭდილება ჩამოგიყალიბდეთ.
ვინირების მომზადება
თქვენი თანხმობის შემდეგ ხდება კბილის ზედაპირის მინიმალური დამუშავება და საბოლოო ვინირების დამზადება.
საბოლოო ფიქსაცია
ვინირები მზადდება Likedent-ის საკუთარ ციფრულ ლაბორატორიაში, რომელიც იმავე შენობაში მდებარეობს. საბოლოო კონსტრუქციის ფორმისა და მორგების შემოწმების შემდეგ, თქვენი თანხმობით ხდება მისი კბილებზე ფიქსაცია.
Medit i900
სკანირება
Medit i900-ით შესაძლებელია კბილების, ღრძილებისა და პირის ღრუს ციფრული სკანირება, რაც მკურნალობის დაგეგმვას ამარტივებს.
სკანირების დროს იქმნება პირის ღრუს ზუსტი ციფრული მოდელი, რომელიც ექიმს მკურნალობის სწორად დაგეგმვასა და საჭირო კონსტრუქციების დამზადებაში ეხმარება.
CAD/CAM
ციფრული დიზაინი
ფორმას და პროპორციას ეკრანზე ვგეგმავთ, თქვენს სახესთან ერთად.
3D პრინტერი · ადგილზე
დამზადება ადგილზე
რესტავრაცია ჩვენივე ლაბორატორიაში.
სავარძელთან
მორგება
შესწორება იმავე დღეს კეთდება. ლაბორატორია ერთი კარის იქითაა.
ხშირად დასმული კითხვები
ხშირი კითხვები
თუ დამატებითი კითხვები გაქვთ, მოგვწერეთ WhatsApp-ზე.
მოგვწერეთ WhatsApp-ზეLikedentგამარჯობა! აირჩიეთ კითხვა ქვემოთ.
აირჩიეთ კითხვა
- ვინირის გაკეთებისას კბილის დამუშავება აუცილებელია?
- დიახ, ვინირის დასამაგრებლად კბილის ზედაპირის მინიმალური დამუშავება საჭიროა. დამუშავების მოცულობა ინდივიდუალურად განისაზღვრება კბილის მდგომარეობისა და დაგეგმილი ფორმის მიხედვით.
- შევძლებ წინასწარ ვნახო, როგორი იქნება ჩემი ღიმილი?
- დიახ. ციფრული სკანირების შემდეგ ვამზადებთ დროებით მაკეტს, რომლის დახმარებითაც შეგიძლიათ შეაფასოთ მომავალი ფორმა. გადაწყვეტილების მიღება შეგიძლიათ მაკეტის სახლში გამოცდის შემდეგაც.
- რა მასალისგან მზადდება ვინირები?
- ვიყენებთ უმეტალო კერამიკას, მათ შორის E.max-სა და ცირკონიუმის დიოქსიდს. კონკრეტული მასალის შერჩევა დამოკიდებულია კბილების მდგომარეობასა და მკურნალობის გეგმაზე.
- რამდენ ხანს ძლებს ვინირები?
- ვინირის ექსპლუატაციის ვადა დამოკიდებულია მასალაზე, პირის ღრუს ჰიგიენასა და ყოველდღიურ ჩვევებზე. ისინი სამუდამო არ არის და დროთა განმავლობაში შეიძლება საჭირო გახდეს მათი შეკეთება ან შეცვლა.


